Верскиот лидер во Иран, ајатолахот Али Хамнеи изјави дека Иран не ја прифаќа помошта што ја нудат властите на Соединетите држави (САД) на земјата.
Ајатолах Хамнеи се обрати на нацијата на државната телевизија по повод празникот Невруз и во оваа прилика остро ги критикуваше американските власти.
– Американската моќ е најголемиот непријател на Иран. Американските лидери се лажговци, алчни, шарлатани, немилосрдни луѓе и терористи. Тие ги заслужуваат сите најлоши епитети – рече Хамнеи.
Посочувајќи на глобалната пандемија на КОВИД-19, ајатолах Хамнеи рече дека Вашингтон изразил подготвеност да им помогне на Иран и нејзините луѓе доколку побараат таква помош.
– Ова се интересни зделки. Вие првенствено грижите се за себе. Ако имате лек, лекувајте се – рече Хамни, додавајќи дека многу кругови ширум светот ги обвинуваат американските власти за производство на коронавирусот.
Хамнеј рече дека не знае колку биле точни тие обвинувања, но дека сигурно било неразумно некој да верува во американските лекови кога ќе се направат такви тврдења.
– Вашите лекови дополнително можат да ја шират болеста и да ја направат истата трајна. Лекарите што би ги испратиле би имале само увид во ефектите на отровот што сте го измислиле. Постојат тврдења дека вирусот е создаден според генетиката на Иранците. Никој во Иран не прифаќа помош од САД “, рече ајатолах Хамнеи.
Во Иран, 20.610 луѓе се заразени со коронавирус, а 1.556 пациенти починале како резултат на инфекцијата.
