Негативни се резултатите на пациентот кој вечерва беше тестиран на корона вирус на Инфективната клиника, соопштија нешто по  1 часот по полноќ од Министерството за здравство.
„Информираме дека се негативни на корона вирус резултатите на пациентот кој вечерва беше тестиран на Инфективната клиника во Скопје.  Будно ја следиме состојбата и во континуитет постапуваме по препораките на Светската здравствена организација, а од денеска Министерството за здравство го подигна степенот на подготвеност на највисоко ниво. Се формира Кризен штаб во рамките на Министерството, а на сила стапија и нови зајакнати мерки за превенција од и справување со евентуални заболени од корона вирус.“, се вели во информацијата од Министесртвото за здравство.

Ноќеска на Инфективната клиника во Скопје се вршеше тестирање на корона вирус на едно лице со симптоми на грип кое пристигнало од Милано. Пациентот е ставен во изолација откако во 22 часот побарал лекарска помош на Клиниката за инфективни болести. На скопскиот аеродром поминал низ термалната камера, која кај него не регистрирала покачена температура, првите симптоми ги почувствувал по доаѓањето дома.

Пациентот има лесна клиничка слика, нема покачена телесна температура и неговата состојба е стабилна.  Се работи за лице кое денеска со попладневниот лет од Милано пристигнало во Скопје. Пациентот, првите симптоми ги почувствувал по доаѓањето дома, по што се јавил на Инфективната клиника во Скопје и бил примен во 22:00 часот. Од неговото пристигнување на клиниката, пациентот е ставен во изолација и кај него се направени тестови согласно утврдениот протокол.

Пренесува: Dubai-Portal

Пишува: NovaTV

RELATED ARTICLESMORE FROM AUTHOR