НАБЛУС (AA) – Еврејските доселеници запалија четири возила на Палестинци во окупираниот Западен Брег, а напишаа и расистички натписи на ѕидовите на некои куќи, јавува Агенција Анадолија (АА).
Гасан Даглас, одговорно лице за Досието за еврејски населени места при Палестинската ослободителна организација, во изјава за АА истакна дека еврејските доселеници изутрина извршиле неколку напади во подрачјата на Бејт Деџен, Кабалан и Меџдел Бени Фадил во Наблус, и во подрачјето на Кефр ед Дик во Салфит.
Даглас истакна дека еврејските доселеници во овие места запалиле четири возила на Палестинци, а ги уништиле гумите на 21 возило.
Тој рече дека еврејските доселеници, исто така, напишале расистички натписи на ѕидовите на некои куќи.
Даглас нагласи дека го осудува овој настан, и побара да им се спротивстави на нападите на еврејските доселеници.
Израелците што живеат во еврејските населени места на Западниот Брег кои се сметаат за илегални од страна на меѓународната заедница, често вршат напади врз домовите, земјиштата и возилата на Палестинците.
