Тајфунот Хагибис, со налети од 180 километри на час, утрово пристигна во Јапонија и донесе со себе силни дождови, поплави и лизгање на земјиштето. Најмалку две лица загинаа, а повеќе од 90 се повредени.
Јапонската метеоролошка агенција издаде предупредување до Токио и околината, наведувајќи дека таков интензитет се гледа еднаш во 60 години, пренесува Kyodo.
Агенцијата соопшти дека врнежите од дожд на тајфунот Хагибис би можеле да го надминат количеството што не е забележано од најстрашниот тајфун од 1958 година.
На повеќе од шест милиони жители на најголемиот јапонски остров Хоншу им се советува да се евакуираат, при што железничкиот сообраќај е прекинат во и околу Токио и аеродромите затворени.
A 5.7 magnitude earthquake was felt in Tokyo, as Japanese officials order over 600,000 households to evacuate in preparation for powerful Typhoon #Hagibis. https://t.co/wAEaOXWScz
— Twitter Moments (@TwitterMoments) October 12, 2019
Јапонските власти предупредуваат дека тајфуните подигнале нивото на водата во бројни реки, некои ги оставиле нивните корита, а некои браните протекуваат вода.
Премиерот Шинзо Абе е во состојба на приправност во неговата резиденција и е опкружен со тим на службеници кои ги собираат сите информации за тајфунот.
Еден човек починал кога неговиот автомобил се превртел во источен Токио, додека друг човек во округот Томиока почина кога свлечиште го однесе домот. Повеќе од 90 луѓе се повредени низ цела Јапонија, додека 11 се пријавени како исчезнати.
HAPPENING NOW – Tokyo braces for arrival of Typhoon Hagibis and up to 60cm of rain as flights and trains are cancelled. Evacuation orders have been issued for more than 600,000 people. The storm is 1,400km wide, with winds of 162km/h @hanniejjong shows the damage. #NEWS1130 pic.twitter.com/1bO1KMxdPj
— NEWS 1130 (@NEWS1130) October 12, 2019
Дистрибуцијата на електрична енергија во Токио соопшти дека околу 770,000 домаќинства биле без електрична енергија, а бројни продавници во и околу Токио се затворени. Производството беше суспендирано и од големите јапонски компании Тојота и Хонда, објави Танјуг.
Тајфунот „Ида“ што ја погоди Јапонија во 1958 година остави 1.200 жртви и многу исчезнати, предизвикувајќи излевање на реките од коритото.
Извор:sputniknews.com
