Израелскиот премиер Бенјамин Нетанјаху денеска вети дека ќе ги анексира населбите во Западниот брег окупирани од Израел.
Тој ова го изјави за време на говорот на церемонијата на отворање на учебната година во државно религиозно основно училиште во населбата Елкана.
„Нема да има повеќе раселување и со Божја помош ќе примениме еврејски суверенитет на сите заедници“, рекол Нетанјаху, додавајќи дека овој потег ќе ги направи тие населени места дел од Израел.
Нетанјаху води кампања пред парламентарните избори на 17-ти септември во Израел. Ваквите десничарски гласачи сакаат вакви изјави.
Овие населби се наоѓаат во Западниот Брег, каде околу 400,000 еврејски доселеници живеат во добро сочувани заедници меѓу околу 2,8 милиони Палестинци.
Израел ја окупираше територијата во војната во 1967 година и оттогаш ја одржуваше контролата врз неа и покрај меѓународните критики, пренесува Ксинхуа.
(Вијести.ба / ФЕНА)
