Во во три одделни вооружени инциденти во саботата и неделата во САД загинаа 32 лица, а повеќе од триесетина се ранети.
Првиот инцидент се случи во Ел Пасо, Тексас вториот во Дејтон, Орегон, додека третиот е регистриран во Чикаго.
Според информациите за Дејтон, нападот започнал во раните утрински часови, при што напаѓачот употребил „моќно автоматско оружје“ и за помалку од една минута биле убиени осуммина. Повеќе од 16 лица биле повредени и завршиле во локалните болници.
Во Дејтон живеат 160 илјади луѓе и се наоѓа во западниот дел на соузната држава Охајо. Орегон, местото каде што се случи нападот, е историски дел од градот со многу продавници, барови, ресторани и театри.
Само 13 часа претходно во Ел Пасо, град во Тексас на границата со Мексико, се случи вооружен напад во кој загинаа 20 луѓе. Напаѓачот кој пукал во трговски центар во Ел Пасо, бил фатен неколку часа подоцна од полицијата на автопат надвор од градот.
Двајцата напаѓачи во овие инциденти се млади лица. Напаѓачот во Дејтон е 24 годишниот Конор Стивен Бетс, а во Ел Пасо е Патрик Крусиус, на возраст од 21 година. Како што се дознава и двата напади се извршени од омраза. Во нападот во Дејтон загинала и Меган Бетс, сестра на напаѓачот.
Најмалки три лица загинаа, а 37 се повредени во два одделни вооружени инциденти во Чикаго, јави Си-Би-Ес Чикаго. Со овој најнов инцидент бројката на загинати во пукотниците ширум САД викендов достигна 32 лица.
Едниот инцидент во Чикаго се случил на полноќ по локално време кога непознато лице отворило оган во парк на игралиште од автомобил во движење Шевролет камаро, соопшти полицијата. Истрагата е во тек, а повредените се хоспитализирани.
Американскиот претседател Доналд Трамп кој викендов беше во својот голф-клуб во Њу Џерси, прво преку низа соопштенија на Твитер ги осуди нападите како „акт на кукавичлук“, и испрати сочувства до роднините на загинатите. Пред да полета за Вашингтон тој синоќа изјави дека „во оваа земја нема место за омраза“ нарекувајќи ги напаѓачите „сериозно ментално болни“.
-Проблемот со пукањето трае со години и мора да го решиме, изјави Трамп и додаде дека се координира со директорот на Федералното истражно биро (ФБИ), со јавниот обвинител и со членови на Конгресот за заземање позиција по ова прашање.
Берни Сандерс, Кори Букер и Пит Бутиџич, претенденти за кандидат за претседател од Демократската партија, за Си-Ен-Ен изјавија дека најодговорен за овие напади е претседателот, кој според нив „шири омраза и расистички сентименти“.
Американските експерти инцидентите ги оценуваат како „акти на домашен тероризам“.
Според Североисточниот универзитет од Бостон, Масачусетс, во САД од почетокот на годината во 22 масовни пукотници загинале вкупно 125 луѓе.
