Десетици илјади граѓани се приклучија на четвртиот протест на албанската опозиција во главниот град Тирана. Демонстрантите бараат оставка на премиерот Еди Рама и да се одржат слободни и фер избори .
Демонстрантите се собраа пред канцеларијата на премиерот во 18,30 часот. Тие фрлаа петарди и молотови коктели кон владината зграда.
Çfarë trishtimi një lider opozite që me zë të ikur i thotë qeverisë "Aman ik!",ndërkohë që ata rrotull tij hedhin zjarr mbi godinën e saj! Uroj që kujt vete ende pas kësaj politike qorre, t'i jetë hapur sonte syri nga zjarri që qeverisë s'ka ç'i bën,po Shqipërisë i bën veç dëm👎 pic.twitter.com/OzGBHS2zpM
— Edi Rama (@ediramaal) May 11, 2019
Лидерот на опозицијата, Лулзим Баша, го повика премиерот Рама да поднесе оставка и да го отвори патот за формирање на преодна влада која би организирала слободни и фер избори. Тој го обвини Рама за криминал и корупција, дека ја киднапирал Албанија и го блокирал патот кон Европската унија.
Anti-govt protesters in Tirana are trying to break through police cordons around the Prime Minister’s office, throwing smoke bombs and chanting “Rama go!”, demanding PM Edi Rama and his Socialist-led govt resign. pic.twitter.com/OCEq0IXcxy
— Balkan Insight (@BalkanInsight) May 11, 2019
Говорот на Баша беше прекинат од солзавец испукан по обидот на дел од демонстрантите да се доближат до вратите на зградата. Баша ги повика демонстрантите да се воздржат од судири со полицијата.
@A2_CNN has full live coverage of the Opposition protest in #Tirana, #Albania. WATCH HERE: https://t.co/5XJtdZaIO4 pic.twitter.com/ZBnRHsid1D
— Blendi Salaj (@BlendiSalaj) May 11, 2019
Премиерот Рама на социјалните медиуми напиша дека е многу тажен за она што опозицијата и го прави на државата. Тој додаде дека молотовите коктели не можат да и наштетат на Владата, но штетат на земјата.
Претседателот на Албаија Илир Мета ги повика и демонстрантите и полицијата да се воздржат од судири и насилни дејства.
Опозицијата го напушти парламентот во февруари и организира протести на кои бара оставка на Рама.
Тие ја обвинуваат владата за изборен фалсификат на изборите во 2017 година.
Албанија треба да одржи локални избори кон крајот на јуни, на кои опозицијата одбива да учествува.
Извор:НоваТВ
