Лидерот на ирачкото движење Садр, најголема фракција во ирачкиот парламент, Муктада Ал-Садр, се закани дека ќе ја нападне американската амбасада во Багдад, доколку САД продолжат да предизвикуваат зголемување на тензиите во арапската земја.
Во изјавата завчера, моќниот ирачки шиитски свештеник изрази длабока загриженост во врска со зголемувањето на странските интервенции во внатрешните ирачки прашања, кои, според него, имаат за цел да ја влечат земјата во нови конфликти.
Така Муктада ал-Садр изнесе неколку предлози за да не се влоши актуелната политичка ситуација во Ирак, вклучувајќи го и целосното затворање на американската амбасада во Багдад, главниот град на Ирак.
“Ако Ирак биде принуден да влезе во нови конфликти во регионот, американската амбасада во Ирак треба да биде затворена, но дипломатското седиште ќе се најде под оган на ирачките сили на отпорот”, истакнал шиитскиот свештеник.
Ал-Садр, исто така, појаснил дека Багдад нема да дозволи американските сили присутни во арапската земја да ја користат територијата на Ирак како платформа за промовирање на нови тензии против Иран.
Во интервјуто објавено минатата година од страна на КБС, американскиот претседател Доналд Трамп призна дека војната во Ирак е “голема грешка”, но тој додаде дека, бидејќи САД веќе инвестирале пари во создавање на воена база во таа земја, подобро е да се задржи е да се користи воениот објект за контрола на Иран.
Меѓу предлозите на Муктад ал-Садр е испраќање на ирачки делегации на Обединетите нации, Европската унија и Организацијата на исламската соработка, со цел да се ублажат тековните тензии во регионот на Блискиот Исток.
По победата на ирачката армија и шиитската милиција над терористичката група ИСИЛ во декември 2017 година, американските официјални лица ветија дека “постепено ќе го намалат” своето присуство на ирачката територија, но во август 2018 година Вашингтон потврди дека американскиот воен контингент, кој се проценува да 5200 војници, ќе останат во Ирак “колку што е потребно.”
Присуството на американски војници во Ирак беше критикувано и осудено од разни ирачки политички групи. Сите тие го обвинуваат Вашингтон за создавање на бунтовнички и екстремистички групи, и дека по инвазијата во 2003 година, арапската земја влезе во хаос.
Во последниве месеци, ирачките парламентарци инсистираа САД да ја напуштат земјата. Врз основа на овие барања, ирачкиот парламент наскоро планира да го разгледа законот во кој ќе бара повлекување на странски трупи од Ирак.
Муктада Ал-Садр со ова предупредување се приближи до погледите на моќната ирачка милиција, Асаиб Ал Ал Хак, која се закануваше со напад врз американските сили во март доколку Вашингтон не ги повлече своите војници од Ирак.
Оваа милиција, која е дел од мнозинството шиитски хашд ал-Шааби, која минатиот месец ја повика ирачката влада и парламентот да побараат повлекување американското воено присуство од Ирак.
“Во спротивно, американската војска ќе биде цел на нашето оружје”, им порачале на парламентот и владата во Багдад.
Ирачката милиција, која исто така има и парламентарни претставници, тогаш ја осуди посетата на американскиот генерал Остин Ренфорт на Багдад.
Во поворката која се одржа на годишнината од повлекувањето на американските војници од Ирак во 2011 година, американскиот офицер беше фотографиран заедно со командантот на операциите во Багдад, Џалил Ал-Рубаи, провоцирајќи горчина и протести во арапската земја.
“Присуството на генерал Остин на улиците на главниот град е флагрантно кршење на суверенитетот на Ирак”, изјавила портпаролката на Асаиб Ал-Хак, Јавад Ал-Талибави.
Ирачката милиција соопшти дека внимателно го следи движењето на американските трупи во својата земја и предупреди дека ако ирачката дипломатија избегне донесување одлука за ваквите епизоди, групата ќе започне борбени дејства против американската војска.
Како што рековме, Пентагон во Ирак сѐ уште има околу 5000 војници. Според американските воени извори, Пентагон, исто така, размислува за формирање база во близина на сириско-ирачката граница, од каде што во секое време американските војници би можеле да влезат на сириската територија за да извршат специјални мисии.
Ова е само дел од планираните активности на американската војска во Ирак, гледано од Муктада Ал-Садр како поттик за конфликтот и предизвикувајќи зголемени тензии во Ирак и целиот арапски регион, испраќајќи изненадувачки остра предупредување дека не го исклучува нападот врз американската амбасада во Багдад.
Сепак, за да остане доследен со својот имиџ на неутрален политички водач во регионот, меѓу десетте барања испратени до владата во Багдад е повлекувањето на ирачките шиитски милиции од Сирија.
“Веднаш треба да ги повлечат ирачките групи поврзани со силите на Хашд ал-Шааби и другите од Сирија и без одлагање да ги вратат во Ирак. Загрижен сум за конфликтот меѓу Иран и билатералниот сојуз САД-Израел, блокот што е одговорен за гладните луѓе и понижувањето под изговор на тероризам “, изјавил Ал-Садр.
“Важно е Ирак да не биде вклучен во овој идеолошки и политички конфликт. Но, секоја поддршка на иранската страна би можела да го стави Ирак во тешка позиција. Ова не значи дека Ирак треба да ја поддржува американско-израелската страна, бидејќи тоа е забрането од нашата религија, доктрина и закони “, изјавил Садр, но командантот на шиитската армија, Абу Махди Ал-Мухандис, кој управува со милицијата Асаиб Ахл Ал-Хак, е активен во Сирија, изјавил: “Ќе продолжиме да ја заштитуваме националната безбедност на Ирак, дури и надвор од нашите граници”.
Моктада Ал-Садр ја повика владата на премиерот Адил Абдул-Махди и претседателот Барам Салих вчера да испрати посебна делегација во Саудиска Арабија “, која моментно сака да биде поблизу до Ирак и нејзиниот народ, со цел да се најде решение меѓу Саудијците и нашиот драг сосед на Иран. ”
Извор:Rudaw
