Турскиот претседател Реџеп Тајип Ердоган и неговиот руски колега, Владимир Путин, ќе се состанат на 14-ти февруари во Сочи, пренесува агенцијата Анадолу (АА).
Ердоган оваа информација за неговата средба со Путин ја споделил во текот на гостувањето на турската државна телевизија (ТРТ).
Во оваа прилика, тој зборувал за актуелните прашања во земјата и пошироко, вклучувајќи ги и локалните избори што ќе се одржат во Турција на 31 март, ситуацијата во Сирија и борбата против тероризмот.
Тој, исто така, исјавил дека нема разлика меѓу Народната демократска партија (ХДП) и терористичките организации ПКК и ЈПГ / ПЈП.
“HDP е еднаква на ПКК, еднаква на ЈПГ / ПКК. Вистината е јасна”. Тоа го зборуваат и личностите на нивните чела“ рекол Ердоган.
Тој, исто така, говорел и за најновите случувања во Сирија и повтори дека Турција го поддржува територијалниот интегритет на таа земја, а секако не и нејзината поделба.
Тој истакнал дека е неопходно да се постигне решение за Манбич. Тој, исто така, објаснил дека околу 300.000 Сиријци од Турција се вратија во својата татковина.
Говорејќи за повлекувањето на американските сили од Сирија, Ердоган рекол дека Турција секогаш ќе биде со сирискиот народ.
“Трамп вети дека ќе се повлече од исток од Еуфрат, и се надевам дека тоа ќе биде решено што е можно поскоро, бидејќи не сакаме да живееме под закана. Имаме секаков вид на подготовки, кога ќе видиме знак за закана, ќе го направиме потребното”, истакнал Ердоган.
Тој, исто така, верува дека контролата врз тампон-зоните во северна Сирија треба да биде предадена на Турција.
“Тогаш ќе можеме да обезбедиме безбедност и сé друго”, надополнил Ердоган.
Осврнувајќи се на борбата против терористичката организација Фетулахачи, чии членови се обидоа да извршат државен удар во Турција на 15 јули 2016 година, Ердоган изјави дека земјата уште има многу операции што треба да се преземат против оваа организација.
Говорејќи за убиството на новинарот Џамал Кашогги, Ердоган рекол дека одговорите во овој случај мора да бидат обезбедени.
