Турција планира да отвори меѓународна истрага за убиството на саудискиот новинар Џамал Кашоги, соопшти министерот за надворешни работи, Мевлут Чавушоглу.
Кашоги, критичар на саудискиот принц Мохамед бин Салман, почна да пишува за “Вашингтон пост” откако се пресели во САД и беше убиен во саудискиот конзулат во Истанбул на 2-ри октомври.
Турција претходно објави дека соработува со други земји во врска со овој случај и ја обвини Саудиска Арабија дека не е целосно кооперативна во истрагата.
Чавушоглу изјавил дека некои западни земји се обидуваат да го потиснат атентатот на Кашоги и додаде дека Турција направила подготовки за започнување на меѓународна истрага.
“Ќе одиме до крај”. Ние направивме подготовки за меѓународна истрага во наредните денови и ние ќе ги преземеме неопходните чекори “, изјавил шефот на турската дипломатија, објави Радио Слободна Европа.
И покрај заедничката истрага со саудиските функционери во Саудискиот конзулат во Истанбул, во конзуларната резиденција и неколку други локации, телото на Кашоги сеуште не пронајдено.
Извор:cdm
