Илјадници луѓе, и покрај снегот и студот, мирно протестираа во центарот на Виена по повод една година од власта десницата и екстремната десница во Австрија.
Демонстрантите, кои според полицијата биле околу 17.000, а според организаторите 50.000, ја критикуваа политиката кон мигрантите и социјалните политики на владата со паролата “Расизмот не е мислење” и “не можам повеќе”.
Собирот беше организиран од страна на левичарски организации за да се одбележи една година по изборот на коалицијата на конзервативците на канцеларот Себастијан Курц и екстремната десничарска Либерална партија.
Владата го зголеми бројот на анти-имиграциски мерки и усвои закон за продолжување на максималното работно време до 12 часа дневно и 60 часа неделно.
Сепак, мобилизацијата на приврзаниците на левичарите не е ни близу онаква како што беше кога екстремната десничарска влада влезе во владата во 2000 година.
По една година власт, десничарската коалиција и понатаму има голема поддршка, благодарение на успешната економија и зголемувањето на популистичките тенденции во Европа и во светот.
