Амбасадорката на САД во Обединетите нации, Ники Хејли, изјави дека саудиските власти и принцот Мухамед бин Салман одговорни се за убиството на новинарот Џамал Хашоги, јави агенцијата Анадолу (АА).
Хејли, кој ќе ја напушти американската амбасадорска позиција на крајот од годината, одговори на прашања на телевизиските новинари на Ен-Би-Си. Една од темите што се разговараше беше бруталното убиство на саудискиот новинар Џамал Кашоги, кој беше убиен на 2 октомври оваа година во зградата на Саудискиот конзулат во Истанбул.
“Саудиските власти и нивниот прв човек, Мухамед бин Салман, се одговорни. Тоа не смее да остане неказнето”, рекла Хејли, додавајќи:
“Мора сериозно да разговараме со Саудијците. Мораме да им кажеме дека пред тоа нема да ги затвориме очите и дека такво нешто никогаш не треба да се повтори”.
На прашањето што ќе следи за односот помеѓу двете администрации, Хејли одговорила:
“Саудијците се наш партнер во борбата против Иран, а тоа е многу важно”.
