Над 2 милиона Индонезијци се собраа денес во главниот град Џакарта поради одбележувањето на втората годишнина на „Движењето 212“, со одржување мирен антивладин собир, јавува Anadolu Agency (AA).
Демонстрантите читаа стихови од Куранот и рецитираа песни против актуелниот претседател Јоко Видодо.
„Народот е лажен, ветувањата не се спроведуваат, учените се тиранизираат, мандатите се изневеруваат. Во 2019 година, смена на несвесниот претседател“, се зборовите на една од песните рецитирани на собирот.
Демонстрантите од неколку градови на државата, облечени во бело, влегуваа во Џакарта од синоќа.
За регулирање на безбедноста распоредени се околу 20.000 припадници на безбедносните сили.
„Движењето 212“ е формирано по протестите на 2 декември 2016 година поради повикување на одговорност за бласфемија на поранешниот гувернер на Џакарта, Басуки Чахаја Пурнама.
Тој беше обвинет и казнет со 2 години затвор во месец мај.
