Унгарската опозиција жестоко се спротивставува на азилот за Груевски во Унгарија. Денеска на унгарскиот Парламент осамна големо платно на кое има слика од Никола Груевски и пишува „ВИП мигрант на Орбан“.
Фото: 1ТВ
Опозицијата во Националниот парламент Унгарија ја доведе во прашање политиката на азил на власта поради аферата со бегството на поранешниот македонски премиер Никола Груевски кој се бара со меѓународна потерница за издржување на двегодишната затворска казна.
-Унгарската Влада се откажа од политиката за азил, прифаќајки бегалец, обвини Адам Миркошки од опозициското движење за подобра Унгарија – Јобик, кое е втора политичка сила во Парламентот, објави „Index.hu“.
Тој воедно прашува и каква улога имале унгарските власти во однос на преминувањето на границите, како и кое министерство, кој и по чија наредба било постапувано во случајот со Груевски.
