Во големата сала на општина Охрид, утре напладне ќе се одржи презентација на проектот „Реконструкција на Кеј Македонија“.
По обраќањето на градоначалникот на Охрид, проф. д-р Јован Стојаноски, пред присутните ќе биде презентиран овој исклучително важен проект, а потоа ќе следи дискусија.
На настанот ќе присуствуваат претставници на изработувачот на основниот проект „Астрекс“ од Скопје, Министерство за животна средина и просторно планирање, Хидробиолошки институт, Заводот за здравствена заштита, Комисија за заштита на природно и културно наследство на Охридски регион, Единицата за спроведување на проектот „Локална и регионална конкурентност“, ПЛРК, Капетанијата на пристаништа, Еколошкото друштво „Грашница“, „Охрид СОС“, ХОТАМ, Туристички кластер ЕДЕН, Здружението на водичи „КЕЈ“, јавните комунални претпријатија од Охрид, невладини организации и граѓани. (Крај)
извор: Општина Охрид фото: Општина Охрид
