65
Турскиот претседател Реџеп Тајип Ердоган имаше телефонски разговор со српскиот претседател Александар Вучиќ, пренесе агенцијата Анадолу (АА).
Според извор од канцеларијата на турскиот претседател, Ердоган и Вучиќ разговарале за билатералните односи, како и за важноста за зачувување на мирот и просперитетот во регионот.
За време на разговорите била потврдена решителноста на понатамошните зајакнување на односите меѓу Турција и Србија во сите полиња.
Двајцата претседатели потсетиле дека во 2019 година се одбележува 140-годишнината од воспоставувањето дипломатски односи меѓу двете земји, нагласувајќи ја важноста на механизмот на Советот за соработка на високо ниво меѓу Турција и Србија.
