Саудиска Арабија се подготвува да го признае убиството на исчезнатиот саудиски новинар Џамал Кашоги во текот на испитувањето кое тргна во погрешна насока, потврдува извештајот на СНН објавен во понеделникот, објави агенцијата Анадолу (АА).
Можното признание, исто така, може да одговори на голем број прашања во врска со судбината на Кашоги.
Си-Ен-Ен тврди, наведувајќи два анонимни извори, дека Саудијците ќе тврдат во извештајот дека планирале да го однесат Кашоги од Турција, но дека случајно го убиле за време на сослушувањето во конзулатот.
Си-Ен-Ен наведи еден извор кој предупреди дека извештајот сеуште се подготвува и дека може да се промени во меѓувреме.
Друг извор за американските медиуми изјави дека извештајот најверојатно ќе ги обвини највисоките официјални претставници во Саудиска Арабија, тврдејќи дека случајот бил спроведен без официјално одобрување и транспарентност, барајќи одговорни лица меѓу оние кои се директно вклучени.
Новинарот и колумнист “Вашингтон пост” Кашоги исчезна на 2 октомври откако влезе во комплексот на конзулатот на Саудиска Арабија во Истанбул. Тој е познат како критичар на политиката што ја води сегашната влада на Саудиска Арабија.
Истрагата за неговото исчезнување започна во Турција, а новинарот на Ројтерс претходно објави дека Кашоги бил убиен во конзулатот откако поминал неколку дена како притвореник. Истото тврдење го направи и Здружението на турски и арапски медиуми, за кое тврдат дека имаат докази.
