Министерството за надворешни работи на Турција вчера го повика на разговор амбасадорот на Саудиска Арабија во Анкара, Велид бин Абдулкерим ел Хирејџи, и до него го упати очекувањето за целосна соработка во истрагата за новинарот Џамал Кашоги, пренесува Anadolu Agency (AA).
Според информациите добиени од дипломатски извори, турскиот заменик-министер за надворешни работи, Седат Онал, вчера го повикал амбасадорот Ел Хирејџи на разговор во Министерството.
Според изворите, за време на разговорот до саудискиот амбасадор е упатена порака за целосна соработка во истрагата за исчезнатиот саудиски новинар, Кашоги.
Вереницата на Кашоги, Н.А., која е последната личност со кого се сретнал Кашоги минатиот вторник, истакна дека до пред зградата на Конзулатот биле заедно, и тврди дека Кашоги не излегол од зградата откако влегол внатре.
Главниот конзулат на Саудиска Арабија во Истанбул ги негираше овие тврдења, велејќи дека Кашоги дошол во Конзулатот, а потоа излегол.
Саудискиот амбасадор Ел Хирејџи, исто така, и на минатата средба беше повикан на разговор во турското МНР за состојбата на Кашоги.
