Во силниот земјотрес и цунами што го погоди индонезискиот остров Сулавеси, загинаа најмалку 1.200 луѓе и речиси 50.000 луѓе се раселени, најнови се податоци објавени од Националната агенција за катастрофи.

Претседателот Џоко Видодо изјави дека повеќе од 1.200 луѓе загинале во катастрофата. Бројот продолжува да расте, бидејќи спасувачите продолжуваат да ги извлекуваат телата на мртвите. Повеќе од 16.700 луѓе останаа без покрив над главата, додека 2.4 милиони луѓе бараат хуманитарна помош.

Поголемиот дел од жртвите се од градот Палу, а недостасуваат информации од крајбрежните места каде патиштата се непроодни, нема електрична енергија, а телефоните не функционираат.

Стотици луѓе беа повредени во силниот земјотрес, а потоа и со покренато цунами што го погоди градот Палу, ама агенциите во светот забележуваат дека речиси е сигурно дека бројот на жртвите ќе се зголеми, бидејќи спасувачите полека успеваат да се пробијат до далечните места погодени од земјотрес со 7,4 степени Рихтер и цунамито, чии бранови достигнале висина од шест метри.

[embedyt] https://www.youtube.com/watch?v=dn_qffIEkes[/embedyt]

Според извештаите, десетици луѓе се заглавени под урнатините во неколку хотели и во трговски центар во Палу, а се стравува дека стотици луѓе биле погребани под земја во селата откако започнале свлечишта.

Која е ситуацијата во Индонезија после земјотресот и цунамито, погледнете ја галеријата подетално.

[embedyt] https://www.youtube.com/watch?v=AfXphFFDryA[/embedyt]