Турскиот претседател Реџеп Тајип Ердоган изјави дека Турција ги исполнува сите услови за домаќин на Европското фудбалско првенство (ЕУРО) во 2024 година, додавајќи дека очекува фер оценување во одлуката на Европската фудбалска асоцијација (УЕФА).
Извршниот комитет на УЕФА ќе се состане утре, 27 септември, во швајцарскиот Нион и ќе ја донесе конечната одлука за домаќин на Европското првенство, кое ќе се одигра за шест години.
Кандидатите за домаќините на ова натпреварување се Турција и Германија, а турскиот претседател Ердоган во интервју за медиумската куќа Funka Medien Gruppe истакна дека со објективна проценка УЕФА би требало да види дека речиси во сите поголеми турски градови изградени се модерни спортски комплекси какви што нема ниту во Европа.
Истакнувајќи дека гласините за економската ситуација во Турција се неточни, Ердоган рече дека Турција е динамична земја кога станува збор за туризмот и дека нема причина за грижа за поополнување на стадионите и добрите од спонзори и реклами. Тој исто така рекол дека Турција има 55 аеродроми, железници со голема брзина, добри автопати и друга неопходна инфраструктура за да организира голем натпревар.
– Во 1974, 1988 и 2006 година, Германија беше домаќин на две светски и едно европско првенство. Верувам дека оваа можност треба да и се даде на земја како Турција, која ги исполнува сите барања и има голем интерес во фудбалот – истакнал Ердоган.
Турскиот претседател Ердоган, исто така, коментирал и фотографирањето со фудбалерите Месут Озил, Илкај Гундоган и Ченко Тосун во Лондон, по што германскиот играч со турски корени, Озил, беше цел на расистички напади и заради што го напушти репрезентативниот тим.
– Тука нема за што да се кае. Знаете дека Лотар Матеус се сретнал со Владимир Путин. Фудбалерите треба слободно да се однесуваат според сопствената волја. Жалам за оние кои тоа критикуваат “, рекол Ердоган.
Потсетувајќи на изјавата на Озил дека бил прифатен како германец, додека тој победувал и бил осуден како мигрант кога го загубил, Ердоган рече дека ова најдобро ја илустрира дискриминацијата со која се соочуваат фудбалерите во Германија.
– Тој не ја напушти германската екипа без причина. Сите ќе реагираат на ист начин ако бидат погодени од такви расистички напади и навреди – рече Ердоган.
Истакнувајќи дека целиот свет мора да се обедини во анти-расистичка борба, Ердоган рече дека претходно се сретнал со Озил, исто како што наишол на други луѓе од Турција од целиот свет.
– Месут живее во Лондон и зошто не би се сретнал кога веќе бев таму? Зарем треба да се линчува некој германски фудбалер од нашата лига ако се фотографира со германската канцеларка Ангела Меркел? Не ја разбирам таа логика “, истакнал Ердоган, и порачал дека Озил и Гундоган може да се чувствуваат истовремено како припадници на земјата во која се родени и земја од кои се родени нивните родители и предци.
Запрашан да ја коментира одлуката фудбалер како Озил и Гундоган да играат во германската репрезентација односно носат дресот на ова држава, Ердоган истакнал дека е горд на тие играчи.
“Турција е нивна татковина, но тие живеат во Германија и природно е да се трудат за успех на Германија”, изјавил Ердоган.
Ердоган ќе пристигне во Германија на неколкудневната официјална посета утре и рече дека фудбалот не е меѓу темите предвидени за средбата со германската канцеларка Меркел. Тој додаде дека сепак ќе зборува за фудбалот, ако канцеларката Меркел ги спомене Озил и Гундоган.
