Турција сака да ги искористи локалните валути во билатералните трговски договори за да се спротивстави на напорите на САД, изјави турскиот министер за надворешни работи во петокот.
“Ние сме многу желни да ги искористиме локалните валути во нашата билатерална трговија, не само меѓу Турција и Венецуела, туку и меѓу Турција и другите земји”, рече Мевлут Чавушоглу на заедничката прес-конференција во Каракас со неговиот венецуелски колега, Хорхе Арреаз.
Чавушоглу додал, дека американската влада го користи доларот како средство за напад врз економиите на другите земји, многу земји се обидуваат да ги користат локалните валути во трговијата. Тој додаде дека Турција не е против валутата на која било земја, но валутите не треба да се користат како инструменти за напаѓање на економиите на другите нации, пренесе TRT World.
Чавушоглу рече дека Турција неодамна стана цел, заради што доживеа флуктуации во својата валута. “Ама, стоеме многу силно и ги преземаме сите мерки за да ја стабилизираме нашата економија”, истакнал тој.
Ердоган и Мадуро се како браќа
Што се однесува до турско-венецуелските односи, Чавушоглу рекол дека претседателите на Турција и Венецуела се “како браќа”. “Венецуела поминува низ критичен период, и ние се обидуваме да ја поддржиме”, истакнал тој.
Чавушоглу рекол дека економската соработка меѓу двете земји е продлабочена – развој од кој искорист имаа двете држави. Тој објави дека Turkish Airlines го открила потенцијалот на Венецуела и ја зголемил зачестеноста на летовите во Каракас на седум пати неделно.
Венецуелскиот министер за надворешни работи, Арреаза, од своја страна, изјавил дека Турција и Венецуела имаат братски врски. Арреаза рекол дека Турција ја поддржа Венецуела, кога таа беше под економска блокада.
Два договори беа потпишани за време на посетите на Чавушоглу во областите како што се туризмот, рибарството и земјоделството.
Подоцна, Чавушоглу се сретна и со претседателот на Венецуела Николас Мадуро.
Чавушоглу подоцна одржа прес-конференција со потпретседателот Делис Родригез, изјавувајќи дека Турција “ќе застане до Венецуела и народот во сите околности”.
(Глобална ЦИР / агенции)
