Американскиот претседател Доналд Трамп, што е очигледно, ќе воведе царински давачки на вкупниот кинески увоз во САД. Во моментов се наплаќаат царински давачки за челик и алуминиум од целиот свет, вклучувајќи ја и Кина, како и кинески увоз во вредност од 50 милијарди долари. Пекинг воведе реципрочни одмазднички мерки и ги наплаќа царинските давачки за увоз на САД во истиот износ.
Доналд Трамп, сепак, го објави почетокот на царинската давачка од 10 % на дополнителни 200 милијарди долари вреден кинески увоз во САД. Мерките ќе почнат да се применуваат оваа недела и до крајот на годината ќе царините ќе се зголемат до 25%.
“Ако Кина продолжи со своите активности против нашите земјоделци и други индустрии, ќе започнеме трета фаза во која ќе наметнеме царински давачки за дополнителен увоз во вредност од 267 милијарди долари”, најавувајќи ги новите царински давачки објави американскиот претседател.
Третата фаза, ако продолжи трговската војна и нема индикации дека тоа нема да биде така, Трамп ќе ја започне на почетокот на следната година, што значи дека царината ќе го вклучи вкупниот кинески увоз во САД со над 500 милијарди долари.
Во меѓувреме, Трамп тврди дека сака нов трговски договор кој ќе ги спречи кинеските компании да крадат интелектуална сопственост од американските компании и тврдат дека овие чекори ја зајакнуваат преговарачката позиција.
Се разбира, Кина веќе ги објави мерките на одмазда на новите американски царини.
Како одговор на новите тарифи, Кина од 24-септември ќе воведе зголемени царински давачки за увоз на САД во вредност од 60 милијарди долари од 24-ти септември и со нив ќе бидат опфатени повеќе од 5200 американски производи, објави Министерството за финансии на Кина.
“Царинската комисија на Националниот совет на Народна Република Кина донесе одлука за наметнување на 10% царинските давачки и 5% дополнително на увозни давачки на 5207 американски производи во вредност од 60 милијарди американски долари”, соопшти Министерството за финансии на Кина.
Со тоа Кина дојде до царини на вкупен американски увоз вреден 110 милијарди, и на Пекинг за реципрочните царини му остана нешто повеќе од 50 милијарди американски долари за стока која ја увезува од САД, после што ќе мора да преземат други мерки, како што се намалување или целосно сопирање на купување на некои американски производи кои тие ќе ги купуваат на други пазари.
Овој пакет на кинески царини ќе влезе во сила на 24 септември, точно на пладне во локално време во Пекинг.
Иако знае дека од тоа нема да има посебна корист, Кина заради почитување на процедурата покрена постапка во Светската трговска организација
“Кина на 18 септември покрена постапка во СТО во врска воведувањето на царински давачки за стоки доставени до САД во вкупен износ од 200 милијарди долари. Постапката е започната врз основа на член 301 од амеиканскиот трговскиот закон на САД од 1974 година “, изјавило Министерството за финансии на Кина.
Извор:Logicno.com
