Во Европскиот парламент, на Унгарија сакаат да и`го ускрата правото на глас. Имено, Будимпешта е обвинета за кршење на демократските вредности во различни сфери, а одлуката ќе биде донесена во среда.
“Претставниците на Европскиот парламент подготвија предлог-резолуција со која се предлага започнување процес против Унгарија, на која се настојува да и` се одземе правото на глас во Советот на ЕУ заради наводни кршења на основните демократски вредности на Европската унија”, се вели во изјавата објавена во понеделникот, 10 септември.
Изготвувачите на нацрт-резолуцијата се повикуваат на седмиот член од Договорот за Европската унија, кој предвидува санкции за земјите-членки, вклучувајќи го и отповикувањето на правото на глас во Советот на Европската унија, “поради кршење на основните демократски вредности на ЕУ”.
“Европскиот парламент е убеден дека сегашното ниво на корупција, недостаток на транспарентност и отчетност во врска со јавните финансии, неправилности во расходите и неуспех да се усогласат со ЕУ програмата во Унгарија може да претставува кршење на вредностите дефинирани во вториот член од Договорот за ЕУ со поднесување на апликација за седмиот член од Договорот ЕУ “, се вели во нацрт-резолуцијата.
Покрај тоа, Европскиот парламент посебно смета дека Будимпешта има сериозни проблеми во однос на почитувањето на демократските вредности во многу области.
Унгарија е обвинета за:
– Лошо функционирање на уставните и изборните системи;
– Задирање во независноста на судството;
– Корупција и судир на интереси;
– Недоволна заштита на личните податоци;
– Повреда на правото на слобода на изразување;
– Повреда на слободата на високообразовните институции;
– Недостаток на слобода во областа на религијата;
– Недостаток на слобода на здружување;
– Недостаток на малцински права, вклучително и Ромите и Евреите;
– Повреда на основните права на мигрантите, барателите на азил и бегалците;
– Загрозување на основните социјални и економски права.
Дебатата во Европскиот парламент за “кршење на демократските вредности” од страна на Унгарија ќе се одржи во вторник, а гласањето за резолуцијата во среда.
Претходно, европскиот комесар Гинтер Отингер рече дека Полска, Унгарија, Романија и Италија, односно нивните влади, сакаат да ја ослабнат или дури и да ја уништат ЕУ. Потсетуваме дека на крајот од август Будимпешта силно ја обвини Шведска за нападите врз Унгарија.
Пред гласањето, Хјуман рајтс воч започна голема кампања со наслов “Гласајте ЗА примена на член 7 на Унгарија”, а Амнести интернешнал, Отвореното општество на Сорос и други организации кои беа прикажани на насловната страница на кампањата против Унгарија, ја поддржаа кампањата.
Извор:Logicno
