Палестинското Министерство за здравство во неделата предупреди дека недостатокот на гориво може да има сериозни последици за функционирањето на Појасот Газа кој е под израелската блокада.
“Генератори ќе згаснат во главните болници во Појасот Газа заради недостаток на гориво. Нема никаков одговор од сите страни во врска со разрешувањето на кризата со горови “, изјавил Ашраф ал-Кидра, портпарол на палестинското Министерство за здравство.
Во вторникот, Министерството предупреди за евентуален колапс на медицинските услуги во болниците во појасот Газа, заради недостаток на гориво неопходни за работата на генераторите во болниците.
Во Појасот Газа, каде речиси живеат два милиони жители, има 13 болници управувани од Министерството за здравство и 54 центри за примарна здравствена заштита, кои сочинуваат речиси 95 проценти од сите здравствени услуги во крајбрежната енклава.
Појасот Газа, кој е под постојана опсада на Израел, се соочува со огромен недостиг на електрична енергија од 2006 година.
Извор:(Глобал / агенции)
