Околу 520 патници на авиокомпанијата “Емирати” од Дубаи на аеродром останале во карантин, а десетина патници и членови на екипажот кои пријавиле здравствени проблеми најверојатно имаат грип, потврдиле здравствени работници од Њујорк.
Доцна вечерва, ќе бидат завршени анализите, а потоа ќе се утврди што ја предизвикало болеста кај патниците, но симптомите покажуваат дека станува збор вирус на грип, пишува CNN..
Властите велат дека десетина лица, тројца патници и седум членови на екипажот биле хоспитализирани заради превентивни причини.
Остатокот продолжил со своето патување, додека Центарот за контрола на болести се обидува да ја утврди вистинската причина за болеста.
Патниците, вклучувајќи го и познатиот рапер од 1990-тите, Vanilla Ice, поставиле слики и клиповите на социјалните медиуми од авионот по слетувањето на аеродромите во Њујорк.
Vanilla Ice објави видео на социјалната мрежа веднаш по слетувањето, кога се мислелело дека десетици луѓе можеби биле заразени.
Тој рече дека преку прозорецот видел неколку амбулантни возила, противпожарни возила и полициски патроли кои го опкружувале авионот.
Според него, патниците кои се чувствувале лошо седеле на опашката на џамбо џетот.
“Навистина, беше хаос кога слетавме”, изјави за новинарите, додавајќи дека пилотот најавил дека има здравствени проблеми и дека повеќе луѓе се чувствуваат лошо.
