Властите наредија нови евакуации во северна Калифорнија, додека огнената стихија продолжува да напредува.
Наредбите беа издадени во четвртокот вечерта за регионот по должината на границата на националниот парк Мендочино и по должината на делови од границата помеѓу областите Лејк и Колус
Пожарите северно од Сан Франциско уништија 16 куќи и се заканија на повеќе од 8.000 згради. Државните пожарникари соопштија дека пожарите избувнале на стрмни терени и продолжиле да се шират.
KCRA-TV објави дека на околу 14.000 луѓе им е издадена наредба за евакуација.
За една недела, долгите пожари изгореа над 506 квадратни километри земјиште. Сузбиени се 39% од пожарите, меѓутоа американската служба за шуми соопшти дека тие продолжуваат брзо да се шират поради топлото, суво и ветровито време и сушна вегетација, објави Асошиетед прес.
