Амбасадорот на Грција во Москва Андреас Фриганас повикан на разговор во руското МНР поради депортирањето на двајцата руски дипломати и изјавите на грчките власти насочени против Русија.
Според писменото соопштение кое беше објавено од страна на Руското министерството за надворешни работи, на грчкиот амбасадор Фриганас му беше врачена усмена и писмена нота поради депортирањето на двајцата руски дипломати и изјавите на грчките власти насочени против Русија.
Грција минатата недела под изговор дека извршиле заканувачки активности против националната безбедност на земјата, донесе одлука за депортирање на двајца руски дипломати, а додека за двајца дипломати донесе забрана за нивниот влез во земјата.
Според информациите кои беа објавени во грчките медиуми, руските дипломати биле обвинети за поттикнување на протестите и зголемување на реакциите во врска со спорот со името со Македонија.
TRT
