Боинг 737 на компанијата “Cubana de Aviacion ” се урна веднаш штом полетал од меѓународниот аеродром “Jose Marti International”, објави кубанската телевизија.
Во времето на несреќата во авионот имало повеќе од 100 патници, а СНН известува дека има жртви. Тој требало да лета до кубанскиот град Холгуин и паднал во близина на аеродромот, известил новинар на АФП, кој го забележал густот облак од чад.
Новиот кубански претседател Мигел Дијаз-Канел, кој го замени Раул Кастро минатиот месец, веднаш дошол на местото на несреќата.
Cubana de Aviacion имаше неколку инциденти претходно оваа година и морала да приземји неколку од нејзините авиони. Причината за денешниот пад е непозната.
[embedyt] https://www.youtube.com/watch?v=h_tWriXtS2M[/embedyt]
