Бројот на загинати во Јужна Африка се искачи на 72 откако делови од земјата ги зафати насилство поради затворањето на поранешниот претседател Џејкоб Зума.
Меѓу загинатите се и десет лица убиени во стампедо при грабеж на трговски центар во градот Совето во понеделникот вечерта. Би-Би-Си сними фрлање на бебе од запалена зграда во Дурбан, која гореше по грабеж на продавници на приземјето.
Во провинциите се распоредени припадници на армијата за да и помогнат на полицијата, која е преоптоварена од почетокот на немирите минатата недела. Јужноафриканската полиција соопшти дека идентификувала 12 лица осомничени за предизвикување на немирите и оти се уапсени вкупно 1.234 лица.
Претседателот Сирил Рамафоза го нарече насилството едно од најлошите во Јужна Африка од 90-тите години на минатиот век, пред крајот на апартхејдот. Подменати се пожари, блокирани се автопатишта, и ограбени се деловни објекти и магацини во поголемите и помалите градови во провинциите Квазулу-Натал и Гаутенг
„Sloboden pecat“
