Во Даблин денеска пет лица, меѓу кои три мали деца, завршија во болница поради напад со нож во строгиот центар на градот. Полицијата соопшти дека едно девојче е тешко повредено, а уште две деца се потешко повредени. И една жена се здобила со тешки повреди, а мажот со полесни повреди.
Локалните медиуми објавија дека луѓето биле нападнати со нож на плоштадот Парнел во Даблин, кој е блиску до главната улица во градот, улицата О’Конел. Полицијата го затворила пристапот до местото на настанот, јавува Index.hr.
„Ајриш тајмс“ објави дека главниот осомничен е приведен и дека и тој е повреден, најверојатно самонанесен. Според првите информации тој се обидел да нападне млади луѓе при што интервенирале овие минувачи.
Се уште не е утврден мотивот за нападот кој се случил во близина на училиштето. Полицијата соопшти дека отворила истрага и дека повеќе не трага за никого.
Некои го искористија вечерашниот хаос и почнаа да ограбуваат продавници. На социјалните мрежи кружат снимки од грабежите.
Трамвајските услуги во центарот на Даблин се прекинати, потврди операторот Луас на социјалните мрежи.
Dublin bus alight. pic.twitter.com/m7rjhN41UT
— MichaeloKeeffe (@Mick_O_Keeffe) November 23, 2023
Today there was tragedy which involved the stabbing of children in Dublin City, sick and inexcusable.
That doesn’t excuse the scenes coming out of Dublin tonight. Absolute feral animals who don’t give a single fuck about the victims. Just looking for any excuse to loot and burn pic.twitter.com/bJ89wtmMvu
— Jamie (@jenties87) November 23, 2023
