Франција со сигнали за воведување санкции кон Саудиска Арабија

Портпаролот на Владата на Франција, Бенжамин Гриво, по состанокот на седницата на Владата, даде изјави за медиумите.

Тој истакна дека истражувањата во врска со убиството на Џамал Кашоги продолжуваат и дека развојот на настаните го следат одблизу.

„Во случај на разјаснување на настанот, и добивање потврда од страна на нашите разузнавачки служби дека одговорноста е на Саудиска Арабија, санкциите нема да бидат ограничени само на продажбата на оружје“, истакна Гриво.

Францускиот претседател Емануел Макрон, во изјавата дадена минатата недела истакна дека Франција очекува разјаснување на случајот и дека потоа ќе заземат став.

Макрон вчера не одговори на прашањата во врска со примената на ембаргото за продажба на оружје на Саудиска Арабија.