Турција: Пожар зафати голем број куќи во Артвин

Пожарот зафати голем број куќи на подрачјето на селото Дереичи во областа Артвин, на северниот дел на Турција, јавува Агенција Анадолија (АА).

Според првичните податоци, сѐ уште не е утврдена причината за пожарот кој изби во една куќа. Противпожарните екипи се на терен, а пожарот брзо се прошири и на други куќи во тоа подрачје.

Заменик министерот за внатрешни работи на Турција, Исмаил Чатакли изјави дека иако пожарот брзо се проширил, немало човечки жртви.

„Потребните интервенции се спроведуваат под координација на Кабинетот за природни катастрофи и вонредни ситуации. Нема човечки жртви. И понатаму настојуваме да го изгаснеме пожарот“, напиша Чатакли на социјалните мрежи.

Anadolu Agency