Некои семејства кои останаа без своите домови по земјотрес што во петокот го погоди источниот турски град Елазиг, се сместија во локалните џамии.
Десетици семејства најдоа привремено засолниште во џамиите додека не се реши прашањето за сместување во наредните денови.
Но, Ербас, претседател на турската Дирекција за верски работи, преку Твитер ги повика сите оние кои немаат друго место каде да останат да се засолни во локалните џамии додека не бидат соодветно сместени.
Според податоците на турската Дирекција за управување со вонредни состојби (АФАД), бројот на загинати во земјотресот што го погоди градот Елазиг во петокот се искачи на 29, а, по силниот земјотрес, 1.466 лица се обратија кај лекарите за помош.
Во земјотресот уништени се вкупно 72 згради, 514 претрпеа огромни штети и 409 помали штети.
Во централните делови на Елазиг продолжуваат напорите за пребарување и спасување на преживеаните.
Епицентарот на земјотресот со јачина од 6,8 степени според Рихтер е регистриран во петокот во 20:55 часот по локално време во Сивриче, недалеку од градот Елазиг, во близина на сириската граница. Земјотресот беше почувствуван и во околните градови Адана, Хатај и Османије и во северните делови на Сирија и Ирак.
