Казни за два маркети во Струга кои не ги почитувале гарантираните цени согласно одлуката на Владата.
Од пазарниот инспекторат од Струга велат извршени се 45 надзори досега, бидејќи поплаките на граѓаните се се побројни инспекторите се постојано на терен,работат и прекувремено.
Граѓаните се жалат на скапотијата,велат на секое одење во маркет гледаат нова повисока цена на производите. Цените на лебот и пекарските производи,млекото и млечните производи, месото, тестенините се уште се превисоки.Најпогодени се пензионерите кои имаат ниски примања.
За заштита на граѓаните, Владата на 18 ти септември донесе одлука за воведување на гарантирани цени на 25 основни прехрамбени производи,која ќе важи до крајот на ноември.
Експертите велат за ваквите мерки да го подобрат животниот стандард треба да се носат на подолг рок,но и поради глобалниот раст на цените да се зголемат платите и пензиите.
