38
Словенечката министерка за надворешни работи Тања Фајон денеска соопшти дека земјата го именувала Анжеј Франгеш за специјален пратеник за Западен Балкан, како и дека го информирала американскиот специјален пратеник за Западен Балкан Габриел Ескобар. „Го информирав заменик-помошникот државен секретар на САД Габриел Ескобар за назначувањето на нашиот пратеник за регионот на Западен Балкан.
Со нетрпение очекувам да работам со вас“, напиша Фајон, а словенечкото Министерство за надворешни работи го објави на Твитер. Според извештаите, Фајон и Франгеш разговарале во Блед како Словенија може да му помогне на Западен Балкан на патот кон ЕУ и ситуацијата во регионот за време на состанокот со колегите од Албанија, Приштина, Црна Гора и Македонија.
