Илјадници јужнокорејски работници денеска организираа демонстрации во центарот на Сеул барајќи подобри услови за работа и покрај забраната на јужнокорејските власти и отфрлајќи ги предупредувањата на владата дека нивниот протест може да предизвика нов бран на коронавирус,
Јужна Кореја се бори против зголемувањето на бројот на инфекции со позаразната делта варијанта на коронавирус, поради што официјалните лица го одбија одобрението за одржување на овој протест, а премиерот Ким Бу-кјум ги повика лидерите на Корејската конфедерација на синдикати да се откажат работничките собирања и демонстрации.
Учесниците на маршот носат маски, блокираат некои од главните улици во централниот дел на Јонго и носат транспаренти со паролите „Стоп за преструктуирањето” и „Ајде да почнеме генерален штрајк”.
За време на протестот, на кој, според синдикатот, се собраа околу 8.000 работници, беа поддржани барањата за зголемување на цената на трудот и зајакнување на мерките за спречување на несреќи при работа.
Собирот предизвика загриженост дека ланското сценарио може да се повтори, кога вториот бран на епидемија на коронавирус почна да се шири по масовниот верски собир во Јужна Кореја.
Tv „21”
