Американската влада очекува војната на Израел против Хамас во Појасот Газа да влезе во нова фаза во наредните денови, јавуваат американските медиуми.
Американската телевизија Си-Ен-Ен јави, цитирајќи висок владин функционер во Вашингтон, дека администрацијата на американскиот претседател Џо Бајден очекува намалување на воздушните напади и посилно „тактичко фокусирање на копнената кампања“.
Официјалниот претставник рече дека целта најверојатно е да се расчисти огромната тајна мрежа од подземни тунели од кои дејствува Хамас.
לוחמי יחידת יהל"ם, בשיתוף לוחמי הנדסה מגדוד 7107, חטיבת הנח"ל, חטיבת הנגב וכוחות שריון חשפו ונטרלו במגוון פעילויות מיוחדות מנהרות לחימה פעילות של ארגון חמאס בשטח הרצועה.
הלוחמים חשפו פירים, הטמינו חומרי נפץ, מילכדו ונטרלו מנהרות בשטח רצועת עזה. pic.twitter.com/XpeumgW2DG— דובר צה״ל אפי דפרין – Effie Defrin (@IDFSpokesperson) November 3, 2023
Додека хуманитарната помош продолжува да се влева во Појасот Газа, американската влада очекува „намалување на она што го видовме“ од масовните израелски воздушни напади.
Од нападот на Хамас на 7 октомври, Израел вели дека погодил повеќе од 12.000 цели во крајбрежната област. Во меѓувреме, копнените сили напредуваат и против Хамас и воени цели таму.
По масовните воздушни напади врз бегалскиот камп Џабалија, израелската пешадија тврди дека пронашла оперативни планови, мапи и комуникациска опрема на Хамас, како и лични информации за командантите и терористите на Хамас, според воени извори.
Овие информации ќе бидат анализирани од израелското разузнавање и ставени на располагање на војската за идните битки, се вели во соопштението.
Палестинските извештаи велат дека многу од жртвите во кампот Џабалија биле цивили. Израелската армија соопшти дека се уште не може да каже колку цивили се убиени, тврдејќи дека во нападите биле убиени 50 терористи, пренесува Хина.
(Vijesti.ba)
