Бројот на смртни случаи од коронавирусот ја надмина бројката од 150.000 низ целиот свет, со скоро една четвртина во Соединетите држави каде се пријавени протести против карантинот, поддржани од претседателот Доналд Трамп.
Доказите се зголемуваат дека социјалното растојание се покажува како успешно откако голем дел од човештвото остана во своите домови.
Владите ширум светот во моментов се борат со прашања за тоа кога и како да ги ублажат рестриктивните мерки што ја фрлија глобалната економија на колена, иако заразата „Ковид-19“ во тешко погодените земји се уште е во нагорна траекторија.
Оваа недела има протести во три американски држави кои повикуваат на укинување на ограничувањата. Најголемото се одржа во Мичиген и собра 3.000 луѓе, а некои од демонстрантите беа вооружени.
Во голема мерка, Трамп ја оставил одлуката за ублажување на мерките на сојузните службеници, но наведе упатства за рестартирање на економијата.
Но, демократските водачи на трите држави остро го критикуваа неговиот повик за „ослободување“ на Мичиген, Минесота и Вирџинија во серија твитови во петокот.
„Немам време да се вклучам во Твитер војни“, рече гувернерот на Вирџинија, Ралф Нортам.
