37
Рускиот претседател Владимир Путин денес изјави дека сквернавењето на Куранот во некои земји не се смета за кривично дело, но во Русија е казниво.
– Кај нас тоа е кривично дело и според Уставот и според кривичниот закон – изјави Путин.
Путин беше во Дербент во Република Дагестан во југозападна Русија, каде што посети историска џамија и се сретна со муслиманските претставници од Дагестан.
На рускиот лидер му беше врачен примерок од Куранот, светата книга на муслиманите, на првиот ден од големиот муслимански празник Курбан Бајрам.
– Куранот е свет за муслиманите и треба да биде свет и за другите. Секогаш ќе се придржуваме до овие правила – истакна Путин, заблагодарувајќи им се на претставниците за подарокот.
(Vijesti.ba)
