Србија и Косово постигнаа договор за спорното прашање за личните документи, изјави Жозеп Борел, комесар за надворешна политика и безбедност на Европската унија (ЕУ).
Борељ на Твитер објави дека Србија се согласила да ги укине документите за имателите на лични карти од Косово, додека Косово да не ги воведува за имателите на лични карти од Србија.
We have a deal.
Under the EU-facilitated Dialogue, Serbia agreed to abolish entry/exit documents for Kosovo ID holders and Kosovo agreed to not introduce them for Serbian ID holders.
(1/2)
— Josep Borrell Fontelles (@JosepBorrellF) August 27, 2022
Тој посочи дека договорот е постигнат со посредство на ЕУ. „Србите од Косово, како и сите други граѓани, ќе можат да патуваат од Косово во Србија и обратно со лични карти. ЕУ штотуку доби гаранции од премиерот Аљбин Курти за ова прашање. Ова е европско решение. Им честитаме и двајцата лидери за оваа одлука и за нивното раководство“, напиша Борељ на Твитер. Тој не го спомна прашањето за регистарските таблички, што е спорно и во односите меѓу Србија и Косово. Во подоцнежното видео објавено на Твитер, Борељ го изразува своето задоволство што е постигнат договор, во корист на граѓаните на Косово и Србија.
I am happy that we found a European solution that facilitates travel between #Kosovo and #Serbia, which is in the interest of all citizens of Kosovo and Serbia.
I thank @predsednikrs and @albinkurti for their leadership, and underline the excellent practical EU – US cooperation pic.twitter.com/kO4UZNenwk
— Josep Borrell Fontelles (@JosepBorrellF) August 27, 2022
