Поплави на југот на Туркије: Девет лица загинаа во Шанлиурфа

Најмалку девет лица загинаа како последица на поплавите што го погодија јужниот турски град Шанлиурфа, јавува Анадолу.

Обилните врнежи од вчера предизвикаа поплави и водни порои во Шанлиурфа и во другите јужни градови на Туркије, кои исто така беа погодени од разорни земјотреси минатиот месец.

Противпожарните единици од подрумот на еден поплавен објект извлекле тела на пет лица, за кои е утврдено дека се сириски државјани.

Уште најмалку четири лица загинаа во поплавите во тој град.

Надлежните служби се на терен и му помагаат на загрозеното население.