Анкара – Катарскиот емир, шеикот Тамим бин Хамад ал Тани, му подари на турскиот претседател Реџеп Тајип Ердоган авион “боинг 747-8”.
Тоа е еден од најголемите и најскапите приватни авиони во светот.
Се потврдува дека луксузниот авион, вреден околу 367 милиони американски долари, слетал на меѓународниот аеродром Сабиха Гокчен во Истанбул.
ulan devir ne değişti bee biz çocukluğumuzda kinder süprizden çük kadar uçak çıksın diye dua ederdik artık katar süprizden boing 747-8 jumbo jet çıkıyor 🤔 #UçanSaray pic.twitter.com/hxuefeWpJA
— Burak (@BurakKurtar) September 13, 2018
Авионот прима 94 лица, односно 76 патници и 18 членови на екипажот, а има и разни и пространи кабини, прва класа седишта, сали за состаноци, па дури и болница.
Се тврди дека авионот Боинг 747-8 претходно бил користен од приватна авиокомпанија “Катар Амири флајт”, која ги превезува членовите на кралското семејство на Катар и високи државни службеници.
