Турскиот министер за внатрешни работи во четвртокот ги обвини Соединетите држави дека стојат зад неуспешниот пуч во 2016 година, а за што Анкара го обвини муслимански проповедник со седиште во САД, пренесува весникот Хуријет.
Министерот за внатрешни работи Сулејман Сојлу за „Хуријет“ изјави дека Соединетите Држави го контролирале обидот за државен удар додека мрежата на Ѓулен го спроведувала, додавајќи дека „Европа била воодушевена од тој повод“ и ја потврди позицијата, за која, како што рече, се повторува од пучот.
– Многу е јасно дека Соединетите држави стојат зад 15 јули. ФЕТО го стори тоа по нивна наредба – изјавил Сојлу. Американските официјални лица не беа веднаш достапни за коментар, но Вашингтон претходно негираше каква било вмешаност. Соединетите држави постојано ги отфрлаат барањата на Турција за екстрадиција на Ѓулен, наведувајќи го недостатокот на веродостојни докази од страна на Анкара. Повеќе од 250 лица беа убиени во обид за соборување на претседателот Таип Ердоган и неговата влада на 15 јули 2016 година.
Извор: 24sedam
