Два дена после терористичкиот напад во Истанбул, вечерва дошло до нова експлозија во центарот на градот, пренесуваат медиумите.
Имено, експлодирал автомобил-бомба, а експлозијата се случила во областа Фатих во најголемиот турски град. Според првичните информации нема жртви или повредени.
Според медиумите, едно возило експлодирало, а потоа пожарот се проширил на уште најмалку два автомобили паркирани во близина. Сè уште не е јасно што ја предизвикало експлозијата во градскиот кварт Фатих, но турската новинска агенција DHA соопшти дека пожарот е изгаснат и најверојатно бил предизвикан од „механички дефект“.
Во текот на викендот, најмалку шест лица загинаа, а над 80 се повредени во експлозија на улицата Истиклал во Истанбул. Турскиот министер за внатрешни работи рече дека инцидентот е терористички напад организиран од ПКК (Работничката партија на Курдистан) и извршен од Сиријка, која е уапсена.
https://twitter.com/LWNChannel/status/1592622190880378880?ref_src=twsrc%5Etfw%7Ctwcamp%5Etweetembed%7Ctwterm%5E1592622190880378880%7Ctwgr%5E9f41ff36720cc532110eca2b4a71b726b7658981%7Ctwcon%5Es1_&ref_url=https%3A%2F%2Fmk.tv21.tv%2Fnova-eksplozija-vo-istanbul-eksplodira-avtomobil-bomba-video%2F
