Состојбата во грчкиот бегалски камп на островот Лезбос е критична. Се поголем број деца се обидуваат да извршат самоубиство или самоповредување, велат психолозите кои работат таму, пренесува Би-Би-Си (BBC).
Во кампот моментно има околу 18 000 бегалци, иако е наменет за нив само 2000. Има околу 7.000 деца.Во последните месеци, се повеќе и повеќе бегалци пристигнале на егејските острови од земји погодени од војната.
„Многу деца живеат тука во многу лоши услови. Немаме доволно лекари, медицински сестри, немаме доволно храна “, рече Зекрија Ферхад (Zekria Ferhad) од организацијата „Бран на Надеж“ (Wave of Hope).
„Тие се удираат со главата од зид, се влечат за коса, велат дека сакаат да умрат“.
Детскиот психолог Ангела Модарели лекува 20 случаи на самоповредување кај деца и два обиди за самоубиство во последните три месеци.
„Децата тука немаат време да се опорават од траума. За помладите деца, можете да видите, на пример, како удираат со глава на зид и влечат за коса, а за постарите лица, на возраст меѓу 12 и 17 години, забележуваме дека тие почнуваат да се сечат и дека зборуваат дека сакаат да умрат и дека не им е до живеење“, рече Модарели.
„Не мислев дека ќе слушнам деца од шест или седум години, велејќи дека сакаат да умрат“, додаде таа
Dubai-Portal / BBC
