35
Израелските безбедносни сили ги блокираа палестинските региони по повод тридневното одбележување на еврејската нова година, пренесува Анадолу.
Израелските сили ги затворија сите контролни пунктови во окупираните Западен Брег и Газа, а влезот во Израел им е дозволен само на Палестинците кои имаат специјални одобренија од израелските институции.
Евреите ја одбележуваат Новата година од денес до вторник, а во таа прилика стотици еврејски доселеници влегоа во комплексот Ал-Акса.
Јорданската фондација која управува со Ал-Акса соопшти дека 235 еврејски доселеници влегле во светиот комплекс во раните утрински часови, придружувани од израелската полиција.
