Израелските сили приведоа 17 Палестинци во Источен Ерусалим и Западниот Брег

ЕРУСАЛИМ (АА) – Израелските сили приведоа 17 Палестинци во окупираниот Источен Ерусалим (Кудс) и Западниот Брег, пренесува Агенција Анадолија (АА).

Според Палестинската организација на затвореници, израелските сили синоќа извршиле рација во некои подрачја во Источен Ерусалим и Западниот Брег.

Се нагласува дека израелските сили под различни тврдења привеле 17 Палестинци, од кои 16 на Западниот Брег и еден во Источен Ерусалим.

Израелските сили често вршат рации во домовите во окупираниот Западен Брег и Источен Ерусалим, и под различни тврдења приведуваат Палестинци.

По приведувањата кои станаа вообичаени на Западниот Брег и во Источен Ерусалим, дел од Палестинците, меѓу кои и деца и жени, со денови се држени во центрите за притвор.

Anadolu