(Дубаи – Портал) – Двајцата Палестинци, на возраст од 29 и 18 години, се убиени кога израелските војници отвориле оган врз нив во Газа.
Израелските сили убија двајца Палестинци во петокот и учествуваа на протестите во појасот Газа на границата со Израел, соопшти палестинското Министерство за здравство.
Тие известуваат дека, двајца Палестинци на возраст од 29 и 18 години починале кога Израелците отвориле оган врз нив на две локации во Газа.
Израелската армија соопшти дека нејзините сили се соочиле со околу 9.500 демонстранти, од кои некои фрлале камења и запалени гуми за нив, објави Ројтерс.
Портпаролот на армијата соопшти дека израелската армија одговорила со “средства за спречување на немири” и реагирала во согласност со стандардните оперативни процедури.
Медицинските лица во Газа велат дека од почетокот на палестинскиот протест на 30 март минатата година, околу 200 лица загинале, а исто така уште 60 Палестинци загинале во други инциденти во истиот период.
Обединетите Нации ги осудија израелските напади
Во петокот, Советот на Обединетите нации за човекови права ја осуди израелската “очигледно намерно незаконско користење на смртоносно оружје и други прекумерни сили” против цивилните демонстранти во Газа.
Советот, со седиште во Женева, усвои резолуција за одговорност поднесена од страна на Пакистан, во име на Организацијата за Исламска соработка (ОИК).
За време на гласањето 23 земји гласаа за резолуцијата, од кои осум беа против, а 15 воздржани и една одсутна делегација.
Резолуцијата беше врз основа на извештајот на тимот за истрага на ОН, кој рече дека можно е израелските сили да извршиле воени злосторства и злосторства против човештвото, убивајќи 189 Палестинци, а повеќе од 6.100 повредени на протестите што се одржуваат секоја недела во минатата година.
“Напаѓање врз цивили е сериозен прекршок, кој не треба да се игнорира”, изјави палестинскиот амбасадор Ибрахим Храјс, осврнувајќи се на наодите од извештајот.
Меѓу убиените имаше 35 палестински деца, двајца новинари и медицински работници, објави палестинската новинска агенција Вафа.
Mahir Demişoski
