Израелските власти по 210-ти пат урнаа палестинско бедуинско село во јужниот регион Негев, соопшти невладина организација со седиште во Тел Авив, укажувајќи на зголемување на израелските злосторства врз угнетениот народ.
„По 210-ти пат, израелските власти го урнаа селото Ал Аракиб“, изјави во понеделникот Азиз ал Тури, член на Одборот за одбрана на Ал Аракиб. Ал Тури потврди дека локалното население има намера да ги обнови своите уништени станови и други објекти. Куќите во Ал Аракиб, каде живеат 22 палестински семејства, се изградени од дрво, пластика и брановидно железо.
Селото првпат било уништено во 2010 година, но оттогаш постојано било обновувано. Израелските власти тврдат дека локацијата на селото потпаѓа под „државно земјиште“. Од друга страна, Зохрот, невладина организација со седиште во Тел Авив, во неодамнешниот извештај рече дека селото Ал Аракиб првпат било изградено за време на отоманскиот период и дека жителите ја купиле неговата земја. Израелските власти се обидуваат да ја преземат контролата врз земјата и да ги протераат нејзините жители, а десетици села и бедуински заедници се соочуваат со истата закана во регионот Негев, пренесува Зохрот.
