Претседател на Советот на Централниот еврејски комитет во Германија Јозеф Шустер, еден од најеминентните еврејски лидери во таа земја, предупреди на пораст на нетолеранцијата и насилството врз верските малцинства, имигранти и баратели на азил во Германија, јави агенцијата Анадолу (АА).
– Скандалозно е што се повеќе и повеќе џамии се вандализирани со слогани на омраза
или цели на напади во голем обем – изјавил Шустер во обраќањето на церемонија во синагогата во Берлин по повод 80-годишнината од Kristallnacht (Кристалната ноќ), прогонот на германските и австриските евреи која ги инспирирал и како “спонтани демонстрации”, организирала нацистичката партија.
Тој изрази загриженост во врска со зголемувањето на ксенофобичните напади во последните години, чија цел е често Евреи, муслимани, имигранти и бегалци.
– Таквите инциденти, кои се случуваат во Германија во 2018 година, се срам се за нашата земја – изјавил Шустер.
Тој ја обвини крајно екстремно десничарската партија Алтернатива за Германија (AfD) за поттикнување омраза кон барателите на азил и муслиманите.
Во последниве години, во Германија се зголемува исламофобијата и омразата кон мигрантите предизвикани од пропаганда на екстремно десничарски и популистички партии кои за политички цели го искористија стравот на граѓаните од бегалската криза и тероризмот.
Според официјалните податоци, околу 950 муслимани и муслимански институции биле цел на напади во 2017 година.
Најмалку 33 муслимани се повредени во овие напади, вклучувајќи и напади муслиманките кои носат шамии и напади врз џамии и други муслимани институции и организации.
